നാഷണല്‍ പ്രസ് ഡേ ആചരിച്ചു
കോഴിക്കോട് : പി.ആര്‍.ഡിയും കാലിക്കറ്റ് പ്രസ് ക്ലബ്ബും ചേര്‍ന്ന് നാഷണല്‍ പ്രസ് ഡേ ആചരണത്തിന്റെ ഭാഗമായി സെമിനാര്‍ സംഘടിപ്പിച്ചു. ജേണലിസം വിദ്യാര്‍ത്ഥികളെ പങ്കെടുപ്പിച്ചുകൊണ്ടുള്ള മീഡിയ സെമിനാര്‍ കെ.യു.ഡബ്ല്യൂ.ജെ ജന.സെക്രട്ടറി സി. നാരായണന്‍ ഉദ്ഘാടനം ചെയ്തു. ഡിസ്ട്രിക്ട് ഇന്‍ഫര്‍മേഷന്‍ ഓഫീസര്‍ കെ.ടി. ശേഖര്‍ അദ്ധ്യക്ഷനായിരുന്നു. എഴുത്തുകാരന്‍ കെ.ഇ.എന്‍. മുഖ്യപ്രഭാഷണം നടത്തി. മീഡിയ വണ്‍ കോ-ഓര്‍ഡിനേറ്റിങ്ങ് എഡിറ്റര്‍ ആര്‍. സുഭാഷ് മാധ്യമങ്ങളും ധാര്‍മികതയും എന്ന വിഷയത്തലും കൈരളി ചാനല്‍ മലബാര്‍ റീജണല്‍ ചീഫ് പി.വി. കുട്ടന്‍ അന്വേഷണാത്മക ജേണലിസം എന്ന വിഷയത്തിലും പ്രഭാഷണം നടത്തി. കാലിക്കറ്റ് പ്രസ് ക്ലബ്ബ് സെക്രട്ടറി പി. വിപുല്‍നാഥ് സ്വാഗതവും ട്രഷറര്‍ കെ.സി. റിയാസ് നന്ദിയും പറഞ്ഞു.
കോഴിക്കോട്: കേന്ദ്ര സര്‍ക്കാര്‍ നടപ്പാക്കിയ പുതിയ നികുതി സംവിധാനമായ ജി.എസ്.ടി യെ കുറിച്ച് മാധ്യമ പ്രവര്‍ത്തകര്‍ക്കായി മുഖാമുഖം സംഘടിപ്പിച്ചു. സെന്ററല്‍ എക്‌സൈസ് ആന്റ് കമ്മീഷണറേറ്റ് സൂപ്രണ്ട് ശ്രീ. പി.ഉണ്ണികൃഷ്ണന്‍ പുതിയ നികുതി സംബന്ധിച്ച് മാധ്യമപ്രവര്‍ത്തകരോട് വിശദീകരിച്ചു. ഒരു മണിക്കൂറിലധികം നീണ്ടുനിന്ന പരിപാടിയില്‍ വാര്‍ത്തകളില്‍ നിറഞ്ഞു നില്‍ക്കുന്ന ജി.എസ്.ടി. സംബന്ധിച്ച ഔദ്യോഗികഭാഷ്യം അറിയാനും സംശയങ്ങള്‍ക്ക് മറുപടി ലഭിക്കാനുമുള്ള അവസരമായി മാറി. പരിപാടിയില്‍ പ്രസ് ക്ലബ് പ്രസിഡണ്ട് കമാല്‍ വരദൂര്‍, സെക്രട്ടറി എന്‍. രാജേഷ്, ജോ. സെക്രട്ടറി കെ.സി. റിയാസ് എന്നിവര്‍ സംബന്ധിച്ചു.
