വി.ജി. വിജയന്റെ നിര്യാണത്തില്‍ പ്രസ് ക്ലബ്ബ് അനുശോചിച്ചു

v.G. Vijayan Anusochanamകോഴിക്കോട്: കേരള പത്രപ്രവര്‍ത്തക യൂണിയന്‍ മുന്‍ സംസ്ഥാന വൈസ് പ്രസിഡണ്ടും ജനയുഗം പത്രത്തിന്റെ വയനാട് ബ്യൂറോ ചീഫുമായ വി.ജി. വിജയന്റെ നിര്യാണത്തില്‍ കാലിക്കറ്റ് പ്രസ് ക്ലബ്ബില്‍ ചേര്‍ന്ന മാധ്യമ പ്രവര്‍ത്തകരുടെ യോഗം അനുശോചിച്ചു. പ്രസിഡണ്ട് കമാല്‍ വരദൂര്‍ അധ്യക്ഷനായിരുന്നു. സെക്രട്ടറി എന്‍. രാജേഷ്, ജോ. സെക്രട്ടറി കെ.സി. റിയാസ്, ട്രഷറര്‍ പി. വിപുല്‍നാഥ്, സീനിയര്‍ ജേണലിസ്റ്റ് ഫോറം ജില്ലാ പ്രസിഡണ്ട് എം. ബാലഗോപാലന്‍, മലയാള മനോരമ ചീഫ് ന്യൂസ് എഡിറ്റര്‍ പി.ജെ. ജോഷ്വ, ജനയുഗം ന്യൂസ് എഡിറ്ററായിരുന്ന കെ.നീനി, കെ.യുഡബ്ല്യൂ.ജെ. മലപ്പുറം പ്രസ് ക്ലബ്ബ് പ്രസിഡണ്ട് ഹാഷിം എളമരം, ജനയുഗം ന്യൂസ് എഡിറ്റര്‍ ഷിബു ടി. ജോസഫ്, ദീപിക ഫോട്ടോഗ്രാഫര്‍ രമേശ് കോട്ടൂളി എന്നിവര്‍ സംസാരിച്ചു. കെ.യു.ഡബ്ല്യൂ.ജെ. വൈസ് പ്രസിഡണ്ട് ഇ.പി. മുഹമ്മദ് അനുശോചന പ്രമേയം അവതരിപ്പിച്ചു.

വി.ജി വിജയന്‍ അന്തരിച്ചു

കോഴിക്കോട് VG VIJAYAN: പ്രശസ്ത പത്രപ്രവര്‍ത്തകനും കേരള പത്രപ്രവര്‍ത്തക യൂണിയന്‍ സംസ്ഥാന എക്‌സിക്യൂട്ടിവ് കമ്മറ്റി അംഗവും ജനയുഗം വയനാട് ബ്യൂറോ ചീഫുമായ വി.ജി.വിജയന്‍ (56) ഇന്ന് പുലര്‍ച്ചെ നിര്യാതനായി. വൈത്തിരിയിലെ സ്വകാര്യ ആശുപത്രിയില്‍ വെച്ചായിരുന്നു അന്ത്യം. 20 വര്‍ഷക്കാലം മലയാള മനോരമയിലാണ് വിജയന്‍ പ്രവര്‍ത്തിച്ചത്. കേരളകൗമുദിയിലും ആകാശവാണിയിലും ജോലി ചെയ്തിട്ടുണ്ട്. നിരവധി കാലം വയനാട് പ്രസ്സ് ക്ലബ്ബിന്റെ പ്രസിഡന്റും സെക്രട്ടറിയുമായി പ്രവര്‍ത്തിച്ചു. പത്രപ്രവര്‍ത്തക യൂണിയന്റെ സംസ്ഥാന വൈസ് പ്രസിഡന്റ, സെക്രട്ടറി എന്നീ നിലകളില്‍ പ്രവര്‍ത്തിച്ച അദ്ദേഹം അന്വേഷണാത്മകമായ പത്രപ്രവര്‍ത്തനത്തില്‍ ശ്രദ്ധേയമായ സംഭാവനകള്‍ നല്‍കി. വയനാട്ടില്‍ ആദിവാസികള്‍ ഉള്‍പ്പെടെ പാവപ്പെട്ട മനുഷ്യര്‍ അനുഭവിക്കുന്ന ദുരിതങ്ങള്‍ പുറംലോകത്തെ അറിയിക്കുന്നതില്‍ വിജയന്‍ എന്നും മുന്‍പന്തിയിലായിരുന്നു. ജനപക്ഷത്ത് നിലയുറപ്പിച്ച പ്രത്ര പ്രവര്‍ത്തകനായിരുന്നു. നിരവധി പുരസ്‌കാരങ്ങള്‍ ലഭിച്ചിട്ടുണ്ട്. പത്രപ്രവര്‍ത്തകന്‍ എന്നതില്‍ ഉപരി പൊതുപ്രവര്‍ത്തകന്‍ എന്ന നിലയിലും വിജയന്‍ അറിയപ്പെട്ടു. കോഴിക്കോട് ഗവ: ആര്‍ട്‌സ് ആന്റ് സയന്‍സ് കോളേജില്‍ പഠിക്കുമ്പോള്‍ എ.ഐ.എസ്.എഫ് പ്രവര്‍ത്തകനായാണു പൊതുരംഗത്തേയ്ക്ക് വന്നത്. ഐ.എസ്.എഫ് കോഴിക്കോട് ജില്ലാ സെക്രട്ടറിയായിരുന്നു. കോഴിക്കോട് ജനയുഗത്തില്‍ പത്രവിതരണക്കാരനായിട്ടാണു ജോലിയുടെ തുടക്കം. ജനയുഗത്തില്‍ പത്രാധിപ സമിതി അംഗമായി പ്രവര്‍ത്തിച്ചു. പിണങ്ങോട് ഗവ. യു.പി സ്‌കൂള്‍ അധ്യാപിക പി.കെ വനജയാണ് ഭാര്യ. അമൃത (ചെന്നലോട് ഗവ. യു.പി അധ്യാപിക, അരുണ അസി. പ്രൊഫ. സെന്റ് മേരിസ് കോളേജ് ബത്തേരി) എന്നിവര്‍ മക്കളും എം.പി. പ്രശാന്ത് മരുമകനുമാണ്.

‘രാമന്റെ ഏദന്‍ തോട്ടം’ സിനിമയുടെ കലാകാരന്‍മാരുമായി ‘മീറ്റ് ദ പ്രസ് പരിപാടി’ നടത്തി

ramanrte ethan thottamകാലിക്കറ്റ് പ്രസ് ക്ലബ്ബിന്റെ ആഭിമുഖ്യത്തില്‍ ‘രാമന്റെ ഏദന്‍ തോട്ടം’ സിനിമയുടെ കലാകാരന്‍മാരുമായി ‘മീറ്റ് ദ പ്രസ് പരിപാടി’ നടത്തി.
പ്രസ് ക്ലബ്ബ് ഹാളില്‍ നടന്ന പരിപാടിയില്‍ സിനിമയിലെ പ്രമുഖ കഥാപാത്രമായി എത്തിയ അനു സിത്താരയും സംവിധായകന്‍ രഞ്ജിത് ശങ്കറും തങ്ങളുടെ അനുഭവങ്ങള്‍ വിവരിച്ചു. പ്രസ് ക്ലബ്ബ് പ്രസിഡണ്ട് കമാല്‍ വരദൂര്‍ ട്രഷറന്‍ പി. വിപുല്‍നാഥ് എന്നിവര്‍ ചടങ്ങില്‍ സംബന്ധിച്ചു.

കാലിക്കറ്റ് പ്രസ് ക്ലബ്ബ് കൊടൈക്കനാല്‍ യാത്ര നടത്തി

20170508232021_IMG_1624 (1)

 

മീറ്റ് ദ പ്രസ് പരിപാടി നടത്തി

Dr MK Muneer Meet The Press (1)

മീറ്റ് ദ പ്രസ് പരിപാടിയില്‍ ഡോ. എം.കെ. മുനീര്‍ സംസാരിക്കുന്നു. പ്രസ് ക്ലബ് പ്രസിഡണ്ട് കമാല്‍ വരദൂര്‍, ജോ. സെക്രട്ടറി കെ.സി. റിയാസ് എന്നിവര്‍ സമീപം.

പ്രതിപക്ഷ ഉപനേതാവും മുസ്ലീംലീഗ് നിയമസഭാ കക്ഷി നേതാവുമായി തിരഞ്ഞെടുക്കപ്പെട്ട ഡോ. എം.കെ മുനീര്‍ പങ്കെടുത്ത മീറ്റ് ദ പ്രസ് പരിപാടി കാലിക്കറ്റ് പ്രസ് ക്ലബ്ബ് ഹാളില്‍ നടന്നു.

 

 

 

updating…………..

“ജെമിനി” മലയാളം സിനിമ പ്രവര്‍ത്തകരുമായി മുഖാമുഖം പരിപാടി നടത്തി

jeminiyude samvidhaayakan baburajകോഴിക്കോട് : കാലിക്കറ്റ് പ്രസ് ക്ലബ്ബ് ഫിലിം സൊസൈറ്റിയുടെ ആഭിമുഖ്യത്തില്‍ ‘ജെമിനി’ മലയാളം സിനിമ പ്രവര്‍ത്തകരുമായി മുഖാമുഖം പരിപാടി നടത്തി. വന്‍താരനിരയില്ലാതെ എത്തിയ ജെമിനി  കോഴിക്കോട്ടുകാരായ ഏതാനും ചെറുപ്പക്കാര്‍ ചേര്‍ന്ന് നിര്‍മ്മിച്ചതാണ്. നായിക എസ്തര്‍, സംവിധായകന്‍ പ.കെ. ബാബുരാജ്, തിരക്കഥാകൃത്ത് ഡോ. ബിനു പുരുഷോത്തമന്‍, നിര്‍മ്മാതാക്കളായ രൂപേഷ്, രാജേഷ്, കാലിക്കറ്റ് പ്രസ് ക്ലബ് പ്രസിഡണ്ട് കമാല്‍ വരദൂര്‍, സെക്രട്ടറി എന്‍.രാജേഷ് എന്നിവര്‍ സംസാരിച്ചു.

എല്ലാവര്‍ക്കും കാലിക്കറ്റ് പ്രസ് ക്ലബ്ബിന്റെ വിഷു ആശംസകള്‍ !!!

vishu

മാധ്യമപ്രവര്‍ത്തകര്‍ പാര്‍ലമെന്റ മാര്‍ച്ച് നടത്തി

IMG-20170317-WA0003വിവിധ വിഷയങ്ങള്‍ ഉന്നയിച്ച് മാധ്യമപ്രവര്‍ത്തകര്‍ പാര്‍ലമെന്റ് മാര്‍ച്ച് നടത്തി. കേരള പത്രപ്രവര്‍ത്തകയൂണിയന്‍, ഡല്‍ഹി യൂണിയന്‍ ഓഫ് ജേണലിസ്റ്റ(ഡി.യു.ജെ.), കേരള ന്യൂസ് പേപ്പേഴ്‌സ് എംപ്ലോയീസ് ഫെഡറേഷന്‍ ( കെ.എന്‍.ഇ.എഫ്.) എന്നീ സംഘടനകളുടെ നേതൃത്വത്തിലായിരുന്നു സമരം.
പുതുക്കിയ വേജ് ബോര്‍ഡ് രൂപവത്കരിക്കുക, ദൃശ്യമാധ്യമപ്രവര്‍ത്തകരേയും ഉള്‍പ്പെടുത്തി വര്‍ക്കിങ്ങ് ജേണലിസ്റ്റ് ആക്ട് ഭേദഗതി ചെയ്യുക, മാധ്യമ സ്വാതന്ത്രം സംരക്ഷിക്കുക, തൊഴില്‍ സുരക്ഷ ഉറപ്പാക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു മാര്‍ച്ച്.

മുന്‍ എം.പി. തരുണ്‍ വിജയ് ഉദ്ഘാടനം ചെയ്തു. എം.പി.മാരായ കെ.വി. തോമസ്,
പി. കരുണാകരന്‍, എന്‍.കെ. പ്രേമചന്ദ്രന്‍, പി.കെ. ശ്രീമതി, എം.ബി. രാജേഷ്, റിച്ചാര്‍ഡ്‌സ് ഹേ, പി.കെ. ബിജു, ജേസ് കെ. മാണി, ഇന്നസെന്റ്, സി.പി.ഐ ദേശീയ നിര്‍വാഹക സമിതിയംഗം ബിനോയ് വിശ്വം, അഡ്വ. തമ്പാന്‍ തോമസ് തുടങ്ങിയവര്‍ പ്രസംഗിച്ചു.

KUWJ യും KNEF ഉം സംയുക്തമായി കോഴിക്കോട്ട് നടത്തിയ പ്രകടനത്തില്‍ നിന്ന്‌

KUWJ 4

updating………

ഭാഷയെ ജൈവമായി നിലനിര്‍ത്തുന്നതില്‍ മാധ്യമങ്ങള്‍ക്ക് മഹത്തായ പങ്ക് : ടി.ഡി. രാമകൃഷ്ണന്‍

Seminar

പ്രശസ്ത സാഹിത്യകാരന്‍ ടി.ഡി. രാമകൃഷ്ണന്‍ ശില്പശാല ഉദ്ഘാടനം ചെയ്തുകൊണ്ട് സംസാരിക്കുന്നു. കാലിക്കറ്റ് യൂണിവേഴ്‌സിറ്റി അറിബിക് വിഭാഗം അധ്യക്ഷന്‍ ഡോ. മൊയ്തീന്‍ കുട്ടി, പ്രസ് ക്ലബ്ബ് സെക്രട്ടറി എന്‍. രാജേഷ്, പ്രസ് ക്ലബ്ബ് പ്രസിഡണ്ട് കമാല്‍ വരദൂര്‍, കാലിക്കറ്റ് യൂണിവേഴ്‌സിറ്റി മാധ്യമ പഠന വിഭാഗം അധ്യക്ഷന്‍ ഡോ. എന്‍. മുഹമ്മദലി എന്നിവര്‍ സമീപം.

കോഴിക്കോട് : മലയാളമടക്കമുള്ള എല്ലാ ഭാഷകളേയും ജൈവമായി നിലനിര്‍ത്തുന്നതിലും ഭാഷയെ പുരോഗതിയിലേക്ക് നയിക്കുന്നതിലും മാധ്യമങ്ങള്‍ക്കും മാധ്യമ പ്രവര്‍ത്തകര്‍ക്കും
മഹത്തായ പങ്കാണ് നിര്‍വഹിക്കാനുള്ളതെന്ന് പ്രശസ്ത സാഹിത്യകാരന്‍ ടി.ഡി. രാമകൃഷ്ണന്‍ അഭിപ്രായപ്പെട്ടു. കാലിക്കറ്റ് പ്രസ് ക്ലബ്ബും കാലിക്കറ്റ് യൂണിവേഴ്‌സിറ്റി അറബി വിഭാഗവും
സംയുക്തമായി സംഘടിപ്പിച്ച ‘ബഹുസംസ്‌കാര മാധ്യമ പ്രവര്‍ത്തനം: അറബി ഭാഷ പദാവലികള്‍’ ഏകദിന ശില്പശാല കാലിക്കറ്റ് പ്രസ് ക്ലബ്ബില്‍ ഉദ്ഘാടനം ചെയ്യുകയായിരുന്നു അദ്ദേഹം. ഭാഷയെ സജീവവും, ജൈവീകവുമായി നിലനിര്‍ത്തുന്ന തമിഴ് വഴക്കങ്ങളില്‍ മലയാളികള്‍ക്ക് മാതൃകയുണ്ടെന്നും അദ്ദേഹം കൂട്ടിച്ചേര്‍ത്തു.
വംശീയ അസ്ഥിത്വങ്ങള്‍ക്ക് ഇടം നല്‍കുന്ന സംസ്‌കാരം മലയാളി മാധ്യമരംഗത്ത്് ഇനിയും വളര്‍ന്നു വരേണ്ടതുണ്ടെന്ന് മുഖ്യപ്രഭാഷണം നടത്തിയ കാലിക്കറ്റ് യൂണിവേഴ്‌സിറ്റി മാധ്യമ പഠന വിഭാഗം അധ്യക്ഷന്‍ ഡോ. എന്‍. മുഹമ്മദലി അഭിപ്രായപ്പെട്ടു. എന്‍.പി. സലാഹുദ്ദീന്‍ ക്ലാസെടുത്തു.
പ്രസ് ക്ലബ്ബ് പ്രസിഡന്റ് കമാല്‍ വരദൂര്‍ അധ്യക്ഷത വഹിച്ചു. കാലിക്കറ്റ് യൂണിവേഴ്‌സിറ്റി അറബി പഠന വിഭാഗം അധ്യക്ഷന്‍ ഡോ. മൊയ്തീന്‍ കുട്ടി സ്വാഗതവും പ്രസ് ക്ലബ്ബ് സെക്രട്ടറി എന്‍. രാജേഷ് നന്ദിയും പറഞ്ഞു.
വൈകിട്ട്് നടന്ന സംവാദത്തില്‍ മലയാള മനോരമ ചീഫ് ന്യൂസ് എഡിറ്റര്‍ പി.ജെ. ജോഷ്വ, ദേശാഭിമാനി മുന്‍ സീനിയര്‍ ന്യൂസ് എഡിറ്റര്‍ പി.പി. അബൂബക്കര്‍, ടൈംസ് ഓഫ് ഇന്ത്യ ചീഫ് ഓഫ് ന്യൂസ് ബ്യൂറോ എം.പി. പ്രശാന്ത്്, സിറാജ് എഡിറ്റര്‍-ഇന്‍-ചാര്‍ജ്ജ് ടി.കെ. അബ്ദുള്‍
ഗഫൂര്‍, ഏഷ്യാനെറ്റ്് റീജിണല്‍ ഹെഡ് പി. ഷാജഹാന്‍ എന്നിവര്‍ പങ്കെടുത്തു. തേജസ് എഡിറ്റര്‍ എന്‍.പി. ചെക്കുട്ടി മോഡറേറ്ററായിരുന്നു.
പ്രസ് ക്ലബ് വൈസ് പ്രസിഡന്റ് ഇ.പി. മുഹമ്മദ്, ജോ. സെക്രട്ടറിമാരായ കെ.സി. റിയാസ്, സോഫിയ ബിന്ദ് എന്നിവര്‍ സംസാരിച്ചു.