അഴിമതിക്കെതിരെ മാധ്യമപ്രവര്‍ത്തകര്‍ ജാഗ്രത പുലര്‍ത്തണം – ജേക്കബ് തോമസ്

കോഴിക്കോട്: അഴിമതിക്കെതിരെ മാധ്യമ പ്രവര്‍ത്തകര്‍ ജാഗ്രത പുലര്‍ത്തണമെന്നും സമഹത്തില്‍ കാവര്‍നായയുടെ സ്ഥാനം വഹിക്കണമെന്നും വിജിലന്‍സ് ഡയറക്ടര്‍ ജേക്കബ് തോമസ് പറഞ്ഞു. ഒരുവര്‍ഷം മുമ്പ് വിനോദയാത്രക്കിടെ അരീപ്പാറ വെള്ളച്ചാട്ടത്തിന് സമീപം പതങ്കയത്ത് മുങ്ങിമരിച്ച ദീപിക റിപ്പോര്‍ട്ടര്‍ പി.ജിബിന്റെ അനുസ്മരണചടങ്ങില്‍ ‘എഴുത്ത്, വായന, സമൂഹം’ എന്ന വിഷയത്തില്‍ സംസാരിക്കുകയായിരുന്നു അദ്ദേഹം. പ്രസ് ക്ലബ്ബ് പ്രസിഡണ്ട് കമാല്‍ വരദൂര്‍ അധ്യക്ഷത വിഹിച്ചു. സെക്രട്ടറി എന്‍. രാജേഷ്, ഫാ. ജോസ് വയലട, സജീവന്‍ കല്ലേരി, എസ്. ശ്രീശാന്ത്, പി.വി. ജീജോ, രമേശ് കോട്ടൂളി തുടങ്ങിയവര്‍ പ്രസംഗിച്ചു. മുഖ്യാതിഥി ജേക്കബ് തോമസിനുള്ള ഉപഹാരം ജിബിന്റെ അച്ഛന്‍ പി. ബാബു സമര്‍പ്പിച്ചു. സുനില്‍ ബേബി തയ്യാറാക്കിയ ‘ജിബിന്‍ ഒരു ഓര്‍മ’ ഡോക്യുമെന്ററിയുടെ പ്രദര്‍ശനവും നടന്നു.

‘വിമര്‍ശകര്‍,വീദൂഷകര്‍,വിപ്ലവകാരികള്‍’ പ്രകാശനം ചെയ്തു

3-pressclub-1

എന്‍.പി രാജേന്ദ്രന്‍ രചിച്ച ‘വിമര്‍ശകര്‍,വീദൂഷകര്‍,വിപ്ലവകാരികള്‍’ എന്ന പുസ്തകത്തിന്റെ പ്രകാശനം മലയോള മനോരമ എഡിറ്റേറിയല്‍ ഡയറക്ടര്‍ തോമസ് ജേക്കബ് നിര്‍വഹിക്കുന്നു.

കോഴിക്കോട്: എന്‍.പി രാജേന്ദ്രന്‍ രചിച്ച ‘വിമര്‍ശകര്‍,വീദൂഷകര്‍,വിപ്ലവകാരികള്‍’ എന്ന പുസ്തകം പുറത്തിറങ്ങി. പ്രസ്‌ക്ലബ് ഹാളില്‍ മലയാള മനോരമ എഡിറ്റേറിയല്‍ ഡയറക്ടര്‍ തോമസ് ജേക്കബ് പ്രകാശനം ചെയ്തു. പത്രങ്ങളില്‍ കോളങ്ങള്‍ എഴുതുന്നത് കോളമിസ്റ്റാണെന്ന് അംഗീകരിക്കാത്ത സമൂഹം ഇന്ന് വളര്‍ന്നുവരുന്നുണ്ടെന്നും, മലയാള പത്രങ്ങളില്‍ കോളങ്ങള്‍ എത്രകാലമുണ്ടാകുമെന്നും പറയാനാവില്ലെന്നും അദ്ദേഹം പറഞ്ഞു.
ചടങ്ങില്‍ കാലികറ്റ് പ്രസ്‌ക്ലബ് പ്രസ്ഡന്‍ഡ് കമാല്‍ വരദൂര്‍ അധ്യക്ഷനായി. മാതൃഭൂമി എഡിറ്റര്‍ എം കേശവ മേനോന്‍ പുസ്തകം ഏറ്റുവാങ്ങി.എഴുത്തുകാരന്‍ കല്‍പ്പറ്റ നാരായണന്‍ സംസാരിച്ചു. ഡോ. കെ ശ്രീകുമാര്‍ പുസ്തകം പരിചയപ്പെടുത്തി. പ്രസ്‌ക്ലബ് സെക്രട്ടറി എന്‍ രാജേഷ് സ്വാഗതവും എന്‍ പി രാജേന്ദ്രന്‍ നന്ദിയും പറഞ്ഞു. പ്രസ്‌ക്ലബ് ആഭിമുഖ്യത്തിലാണ് പുസ്തക പ്രകാശനം സംഘടിപ്പിച്ചത്.ഡി സി ബുക്‌സാണ് പ്രസാധകര്‍.

‘വിമര്‍ശകര്‍, വിദൂഷകര്‍, വിപ്ലവകാരികള്‍’ പുസ്തകപ്രകാശനം

npr-02

മാതൃഭൂമി മുന്‍ ഡെപ്യൂട്ടി എഡിറ്റര്‍ എന്‍.പി. രാജേന്ദ്രന്‍ രചിച്ച ‘വിമര്‍ശകര്‍, വിദൂഷകര്‍,
വിപ്ലവകാരികള്‍’ എന്ന പുസ്തകം ഡി.സി. ബുക്‌സ് പ്രസിദ്ധീകരിച്ചിരിക്കുകയാണ്.
മലയാള പത്രപംക്തിയുടെ ചരിത്രമാണ് ഈ കൃതിയില്‍ അനാവരണം ചെയ്യുന്നത്. കേസരി വേങ്ങയില്‍ കുഞ്ഞിരാമന്‍ നായനാര്‍ മുതല്‍ അടുത്തകാലം മലയാള പ്രസിദ്ധീകരണങ്ങളില്‍ പംക്തിലേഖനങ്ങള്‍ എഴുതിയ അമ്പതിലേറെ മണ്‍മറഞ്ഞ എഴുത്തുകാരെ വരെ പരിചയപ്പെടുത്തുന്ന കൃതിയില്‍ അവരുടെയെല്ലാം പ്രതിഭ വെളിവാക്കുന്ന ലേഖനങ്ങള്‍ സമാഹരിച്ചിട്ടുണ്ട്.
മാധ്യമ മേഖലയ്ക്ക് മുതല്‍ക്കൂട്ടാവുമെന്ന് ഉറപ്പുള്ള ഈ കൃതിയുടെ പ്രകാശനം കോഴിക്കോട് പ്രസ് ക്ലബ്ബിന്റെ ആഭിമുഖ്യത്തില്‍ നടത്തുകയാണ്. ഡിസംബര്‍ 18ന് ഞായറാഴ്ച വൈകിട്ട് 5ന് പ്രസ് ക്ലബ്ബ് ഹാളിലാണ് ചടങ്ങ്. മലയാള മനോരമ എഡിറ്റോറിയല്‍ ഡയറക്ടര്‍ ശ്രീ. തോമസ് ജേക്കബ് ആണ് പ്രകാശനകര്‍മ്മം നിര്‍വഹിക്കും.

പി.പി. അബൂബക്കറിന് യാത്രയയപ്പ് നല്‍കി

deshabhimaniyil ninnu viramicha pp aboobekerinu press clubnte abhimukyathil nalkiya sweekaranathil np rajendran upaharam nalkunnu

ദേശാഭിമാനിയില്‍ നിന്ന് ചീഫ് ന്യൂസ് എഡിറ്ററായി വിരമിച്ച പി.പി അബൂബക്കറിന് കാലിക്കറ്റ് പ്രസ്‌ക്ലബിന്റെ ആഭിമുഖ്യത്തില്‍ നല്‍കിയ യാത്രയയപ്പില്‍ കേരള മീഡിയ അക്കാദമി മുന്‍ ചെയര്‍മാന്‍ എന്‍.പി രാജേന്ദ്രന്‍ ഉപഹാരം സമര്‍പ്പിക്കുന്നു. ഇ.പി മുഹമ്മദ്, പി ദാമോദരന്‍, എന്‍ രാജേഷ്, എ.ടി അബ്ദുല്ലക്കോയ, ഹരിദാസന്‍ പാലയില്‍ എന്നിവര്‍ സമീപം

കോഴിക്കോട് :  ദേശാഭിമാനിയില്‍ നിന്ന് വിരമിച്ച കേരള പത്രപ്രവര്‍ത്തക യൂണിയന്റെ ആദ്യകാല നേതാക്കളിലൊരാളും കാലിക്കറ്റ് പ്രസ്സ് ക്ലബ്ബിന്റെ ആഭിമുഖ്യത്തിലുള്ള ഇന്‍സ്റ്റിറ്റിയൂട്ട് ഓഫ് കമ്മ്യൂണിക്കേഷന്‍ ആന്റ് ജേണലിസം (ഐ.സി.ജെ.) സ്ഥാപക സെക്രട്ടറിയുമായ പി.പി. അബൂബക്കറിന് പ്രസ്സ് ക്ലബ്ബിന്റെ ആഭിമുഖ്യത്തില്‍ യാത്രയയപ്പ് നല്‍കി.  കേരള മീഡിയ അക്കാദമി മുന്‍ ചെയര്‍മാനും മുതിര്‍ന്ന  പത്രപ്രവര്‍ത്തകനുമായ എന്‍.പി. രാജേന്ദ്രന്‍ ചടങ്ങ് ഉദ്ഘാടനം ചെയ്തു.
ശ്രീ. പി.പി. അബൂബക്കര്‍ 36 വര്‍ഷത്തെ സേവനത്തിന് ശേഷം ദേശാഭിമാനി ചീഫ് ന്യൂസ് എഡിറ്റര്‍ സ്ഥാനത്ത് നിന്നാണ് നവംബര്‍ 30 ന് വിരമിച്ചത്. 1984-85 , 87-88, 90-91 കാലയളവില്‍ കാലിക്കറ്റ് പ്രസ്സ് ക്ലബ്ബിന്റേയും കെ.യു.ഡബ്ല്യൂ.ജെ. ജില്ലാ കമ്മറ്റിയുടേയും സെക്രട്ടറിയായി സ്തുത്യര്‍ഹമായ സേവനം അദ്ദേഹം നടത്തിയിട്ടുണ്ട്. കെ.യു.ഡബ്ല്യൂ.ജെ. സംസ്ഥാന ഭാരവാഹിയായും പ്രവര്‍ത്തിച്ചിട്ടുണ്ട്.
പ്രസ്സ് ക്ലബ്ബിന്റെ വളര്‍ച്ചയിലും ഐ.സി.ജെ.യുടെ വികസനത്തിലും സുപ്രധാന പങ്ക് വഹിച്ച പി.പി. അബൂബക്കറിന് പ്രസ്സ് ക്ലബ്ബിന്റെ ആഭിമുഖ്യത്തില്‍ ഊഷ്മളമായ യാത്രയയപ്പാണ് ഒരുക്കിയത്.
ചടങ്ങില്‍ പ്രസ് ക്ലബ് സെക്രട്ടറി എന്‍.രാജേഷ് അധ്യക്ഷനായിരുന്നു. വൈസ് പ്രസിഡണ്ട് ഇ.പി. മുഹമ്മദ് സ്വാഗതവും ട്രഷറര്‍  പി. വിപുല്‍നാഥ് നന്ദിയും പറഞ്ഞു.
എ.ടി.അബ്ദുള്ള കോയ, പി. ദാമോദരന്‍, ഹരിദാസന്‍ പാലയില്‍, കെ. പ്രേമനാഥ്, കെ.ബാബുരാജ്, കെ.പി. വിജയകുമാര്‍, പി. മുസ്തഫ, പി.പി. മുഹമ്മദ്‌കോയ, കെ.വി. കുഞ്ഞിരാമന്‍, എം.പി. രാമചന്ദ്രന്‍, സി.വി. ഗോപാലകൃഷ്ണന്‍, ഉമ്മര്‍ പുതിയോട്ടില്‍, കെ.നീനി, പി.സ. അബ്ദുള്‍ ലത്തീഫ്, കെ.സി.റിയാസ് എന്നിവര്‍ ആശംസകള്‍ നേര്‍ന്ന് സംസാരിച്ചു.

മീഡിയ/ജേണലിസ്റ്റ് അക്രഡിറ്റേഷന്‍ പുതുക്കലിന് ഓണ്‍ലൈനായി അപേക്ഷിക്കാം

മീഡിയ/ജേണലിസ്റ്റ് അക്രഡിറ്റേഷന്‍ പുതുക്കലിന് ഓണ്‍ലൈനായി അപേക്ഷിക്കാം

*ഓണ്‍ലൈനായി അപേക്ഷിച്ച് ഡിസംബര്‍ 13നകം പ്രിന്റ് ഔട്ട് ജില്ലാ ഇന്‍ഫര്‍മേഷന്‍ ഓഫീസില്‍ സമര്‍പ്പിക്കണം

2017-ലെ മീഡിയ/ജേണലിസ്റ്റ് അക്രഡിറ്റേഷന്‍ പുതുക്കലിന് ഓണ്‍ലൈനായി അപേക്ഷിക്കാംഓണ്‍ലൈനായാണ് അപേക്ഷ സ്വീകരിക്കുക. അപേക്ഷ ഡിസംബര്‍ നാലു മുതണ്‍ പി.ആര്‍.ഡി വെബ് സൈറ്റായ www.prd.kerala.gov.in മുഖേന സമര്‍പ്പിക്കാം.
അപേക്ഷ പൂരിപ്പിക്കേണ്ടത് ഇംഗ്ലീഷില്‍ മാത്രമാണ്. പുതുക്കലിന് അപേക്ഷിക്കുന്നവര്‍ പാലിക്കേണ്ട പൊതുനിര്‍ദ്ദേശങ്ങള്‍ ആദ്യ പേജിലുണ്ടാവും.നിലവില്‍ കഴിഞ്ഞ വര്‍ഷം ഓണ്‍ലൈനായി രജിസ്റ്റര്‍ ചെയ്ത് കാര്‍ഡ് ലഭിച്ചവരാണ്
ഇത്തവണ പുതുക്കാന്‍ അപേക്ഷിക്കേണ്ടത്. ഓണ്‍ലൈന്‍ വഴി പുതുക്കിയില്ലെങ്കില്‍ യാതൊരു കാരണവശാലും നിലവിലുള്ള അക്രഡിറ്റേഷന്‍ അടുത്തവര്‍ഷേേത്തക്ക് പുതുക്കപ്പെടില്ല.
നിലവില്‍ ഓണ്‍ലൈന്‍ രജിസ്റ്റര്‍ ചെയ്തവര്‍ക്ക് പുതുക്കല്‍ സമയത്ത് പ്രൊഫൈലില്‍ ആവശ്യമായ തിരുത്തലുകള്‍ƒ (ഉണ്ടെങ്കില്‍) വരുത്താം. ഫോട്ടോ, ഒപ്പ്, തസ്തിക, വിലാസം തുടങ്ങിയ മാറ്റാവുന്നതാണ്.
സക്ാന്‍ ചെയ്ത നിര്‍ദ്ദിഷ്ട„ വലിപ്പത്തിലുള്ള ഫേട്ടോ, ഒപ്പ് എന്നിവ അപ്േലാഡ് ചെയ്യാന്‍ പാകത്തിന് കമ്പ്യൂട്ടറിണ്‍ കരുതിയതിന് ശേഷമാണ് അപേക്ഷ പൂരിപ്പിക്കേണ്ടത്. റിപ്പോര്‍ട്ടിംഗ് സംബന്ധമായ ജോലി ചെയ്യുന്നവര്‍ മീഡിയ വിഭാഗത്തിലും എഡിറ്റോറിയല്‍ ജീവനക്കാര്‍ ജേണലിസ്റ്റ വിഭാഗത്തിലും പുതുക്കലിന് അപേക്ഷിക്കണം.
അപേക്ഷാഫോമില്‍ നിര്‍ബന്ധമായും പൂരിപ്പിക്കേണ്ട ഭാഗങ്ങള്‍ ഒഴിവാക്കി മുന്നോട്ട് പോകാനാകാത്ത വിധമാണ് സോഫറ്റ് വെയര്‍ ക്രമീകരിച്ചിട്ടുള്ളത്. ആധാര്‍, ഡ്രൈവിംഗ് ലൈസന്‍സ്, പാസ്‌പോര്‍ട്ട്, തെരഞ്ഞെടുപ്പ് തിരിച്ചറിയല്‍ കാര്‍ഡ് എന്നീ നാല് രേഖകളില്‍ ഏതെങ്കിലും ഒരു നമ്പര്‍ നിര്‍ബന്ധമാണ്.
രേഖപ്പെടുത്തിയ വിവരങ്ങള്‍ ƒഅപേക്ഷകന് പരിശോധിക്കുന്നതിനുള്ള പ്രിവ്യൂ ലഭ്യമാകും. തെറ്റില്ലെന്ന് ഉറപ്പുവരുത്തി എന്റര്‍ ബട്ടണ്‍ അമര്‍ത്തിയാല്‍ അപേക്ഷ സമര്‍പ്പിക്കപ്പെട്ടു കഴിയും. ഇതിനു ശേഷം അപേക്ഷയുടെ പ്രിന്റ ഔട്ട് എടുത്ത് മാധ്യമ ÿസ്ഥാപനത്തില്‍ ചുമതലപ്പെട്ടവരില്‍ നിന്നും ഒപ്പും സീലും പതിപ്പിച്ച് ജില്ലാ ഇന്‍ഫര്‍മേഷന്‍ ഓഫീസില്‍ ഡിസംബര്‍ 13നകം സമര്‍പ്പിക്കണം. (റിപ്പോര്‍ട്ടിംഗ് ജീവനക്കാര്‍ ബ്യൂറോ ചീഫിന്റെയും എഡിറ്റോറിയല്‍/ഡസ്‌കിലുള്ളവര്‍ ചീഫ് എഡിറ്റര്‍/ന്യൂസ് എഡിറ്ററുടെയും ഒപ്പാണ് പ്രിന്റൗട്ടിണ്‍ രേഖപ്പെടുത്തേണ്ടത്). പുതുക്കിയ കാര്‍ഡുകള്‍ƒ ജില്ലാ ആഫീസുകളില്‍ നിന്ന് ഡിസംബര്‍ അവസാനവാരത്തോടെ വിതരണം ചെയ്ത് തുടങ്ങും. പഴയ കാര്‍ഡുകള്‍ƒ തിരികെ നല്‍കിയാല്‍ മാത്രമേ പുതിയ കാര്‍ഡ് ലഭ്യമാകൂ.

പുതുക്കല്‍ രജിസ്‌ട്രേഷന്‍ ഓണ്‍ലൈനായി നടത്തേണ്ടവിധം

http://www.iiitmk.ac.in/test-prd/login.php ലിങ്ക് വഴി സൈറ്റില്‍ പ്രവേശിക്കുക.
പി.ആര്‍.ഡി സൈറ്റായ www.prd.gov.in സൈറ്റിന്റെ ഹോം പേജില്‍ നിന്നും പ്രവേശിക്കാനുള്ള ലിങ്കുണ്ട്.
http://www.iiitmk.ac.in/test-prd/login.php പേജിണ്‍ നിലവിലെ അക്രഡിറ്റേഷന്‍ നമ്പറും പാസ്‌വേഡും ഉപയോഗിച്ച് ലോഗിന്‍ ചെയ്യാനുള്ള പേജ് ലഭിക്കും.
ഇതില്‍ അക്രഡിറ്റേഷന്‍ നമ്പര്‍ എന്ന കോളത്തില്‍ നിലവിലെ (2016) കാര്‍ഡിലെ അക്രഡിറ്റേഷന്‍ നമ്പര്‍ കാപ്പിറ്റല്‍ ലെറ്ററില്‍ ടൈപ്പ് ചെയ്യണം. (ഉദാ: PRD/TVM/MA2500/2016).
കഴിഞ്ഞ *വര്‍ഷത്തെ പാസ്‌വേഡ് ഓര്‍മയില്ലാത്തവര്‍ തൊട്ടുതാഴെയുള്ള ‘ഫോര്‍ഗോട്ട് പാസ്‌വേഡ്’ ലിങ്കില്‍ ക്ലിക്ക് ചെയ്യുക. അപ്പോള്‍  ലഭ്യമാകുന്ന പേജില്‍ അക്രഡിറ്റേഷന്‍ നമ്പര്‍ മുഴുവനായി ടൈപ്പ് ചെയ്ത് ‘റീസെറ്റ് പാസ്‌വേഡ്’ ക്ലിക്ക് ചെയ്താല്‍
പുതിയ പാസ്‌വേഡ് നിങ്ങളുടെ രജിസ്‌റ്റേഡ് ഇ-മെയിലില്‍ വരും.
ആ പാസ്‌വേഡ് ഉപയോഗിച്ച് നിങ്ങളുടെ പേജില്‍ ലോഗിന്‍ ചെയ്യാവുന്നതുംനിങ്ങളുടെ പ്രൊഫൈല്‍ അപ്‌ഡേറ്റ് ചെയ്യാവുന്നതുമാണ്.
നിങ്ങളുടെ വിലാസം അപ്‌ഡേറ്റ് ചെയ്യണം. ഫോട്ടോ, ഒപ്പ് തുടങ്ങിയവ ആവശ്യമെങ്കിണ്‍ അപ്‌ഡേറ്റ് ചെയ്യാനും അവസരമുണ്ട്. ഫോട്ടോ ഇളംനിറമുള്ള പശ്ചാത്തലമുള്ള ചിത്രമാണ് ഉപയോഗിക്കേണ്ടത്. ഒപ്പ് വെളുത്ത പേപ്പറിണ്‍ കറുത്ത മഷി കൊണ്ടുള്ളതായിരിക്കണം.കൂടാതെ, ജോലി സംബന്ധമായ വിവരങ്ങള്‍, പി.എഫ് വിവരങ്ങള്‍ എന്നിവയും
ചേര്‍ക്കാന്‍ അവസരമുണ്ട്. എന്നാണ്‍ നിര്‍ബന്ധമല്ല.
ഏതു ജില്ലയിലാണോ ജോലി ചെയ്യുന്നത് ആ ജില്ലയാണ് കോളത്തില്‍ ചേര്‍ക്കേണ്ടത്. അതത് ജില്ലയിലെ ജില്ലാ ഇന്‍ഫയ്യര്‍മേഷന്‍ ഓഫീസര്‍ക്കാണ് മേലധികാരിയുടെ ഒപ്പും സീലും ചേര്‍ത്ത്്് അപേക്ഷയുടെ പ്രിന്റ് ഔട്ട്് നല്‍കേണ്ടത്.

*** പ്രത്യേക ശ്രദ്ധയ്ക്ക്: ലോഗിന്‍ ചെയ്ത് നിലവിലുള്ള പ്രൊഫൈണ്‍ അപ്‌ഡേറ്റ് ചെയ്യുകയാണ് വേണ്ടത്. പുതിയ രജിസ്‌ട്രേഷന്‍ നടത്തരുത്.

മീഡിയ വണ്‍ ജീവനക്കാരെ പിരിച്ചുവിട്ട നടപടി അംഗീകരിക്കാനാവില്ല- കെ.യു.ഡബ്ല്യൂ.ജെ.

കോഴിക്കോട് : മീഡിയ വണ്‍ ന്യൂസ് ചാനലില്‍ നിന്ന് 36 സ്ഥിരം ജീവനക്കാരെ ഏകപക്ഷീയമായി പിരിച്ചുവിട്ടതില്‍ കേരള പത്രപ്രവര്‍ത്തക യൂണിയന്‍ അതിശക്തമായി പ്രതിഷേധിക്കുന്നു. ജില്ലാ ലേബര്‍ ഓഫീസറുടെ മധ്യസ്ഥതയില്‍ നടന്ന സമവായ ചര്‍ച്ചയിലെ വ്യവസ്ഥകള്‍ ധിക്കരിച്ചുകൊണ്ടാണ് ഇന്ന് (2016 ഡിസംബര്‍ ഒന്ന്) മീഡിയവണ്‍ മാനേജ്‌മെന്റ് പുറത്താക്കല്‍ നോട്ടീസ് നല്‍കിയത്. ഇത് തീര്‍ത്തും നിയമ വിരുദ്ധമാണ്. തൊഴിലാളികളുടെയും യൂണിയന്റെയും ഭാഗം കേള്‍ക്കാന്‍ പോലും തയ്യാറാകാതെയാണ് മാനേജ്‌മെന്റ് നടപടികളിലേക്ക് പ്രവേശിച്ചത്. തൊഴില്‍പരമായിട്ടുള്ള എന്തെങ്കിലും പോരായ്മകളുടെ പേരിലോ തൊഴില്‍ വൈദഗ്ധ്യം ഇല്ലായ്മ ചൂണ്ടിക്കാട്ടിയോ അല്ല ഈ പുറത്താക്കല്‍. മാനേജ്‌മെന്റിന്റെ ടുകാര്യസ്്ഥതയുടെയും ദീര്‍ഘവീക്ഷണമില്ലായ്മയുടെയും പേരിലാണ് ഒരുകൂട്ടം തൊഴിലാളികള്‍ ബലിയാടാകുന്നതെന്ന് കേരള പത്രപ്രവര്‍ത്തക യൂണിയന്‍ സംസ്ഥാന പ്രസിഡണ്ട് പി. എ. അബ്ദള്‍ ഗഫൂറും ജനറല്‍ സെക്രട്ടറി സി. നാരായണനും വ്യക്തമാക്കി.
ചാനല്‍ തുടങ്ങും മുമ്പ് നിയമിതരായ അഞ്ച് വര്‍ഷം വരെ സര്‍വീസുള്ള ജീവനക്കാരെയാണ് പിരിച്ചുവിടുന്നതെന്നാണ് മാനേജ്‌മെന്റ് വാദം. പ്രോഗ്രാം വിഭാഗം നിര്‍ത്തലാക്കുന്നുവെന്നതാണ് കാരണമായി കാണിച്ചിരിക്കുന്നത്. എന്നാല്‍ പിരിച്ചുവിടപ്പെടുന്നവര്‍ ന്യൂസ്, പ്രോഗ്രാം വിഭാഗങ്ങളില്‍ ഒരുപോലെ ജോലി ചെയ്തുവരുന്നവരാണ്. നിയമിക്കുമ്പോള്‍ അവര്‍ക്കു നല്‍കിയ ഓഫര്‍ ലെറ്ററില്‍ വിഷ്വല്‍ എഡിറ്റര്‍, ക്യാമറപേഴ്‌സണ്‍ എന്നിങ്ങനെയാണ് തസ്തിക കാണിച്ചിരുന്നത്. വാര്‍ത്തയും വിനോദപരിപാടികളും ചാനല്‍ ഒരുമിച്ചാണ് സംപ്രേഷണം ചെയ്തിരുന്നത്. കോമണ്‍ പൂളിലുള്ള ജീവനക്കാരാണ് ഈ ജോലികളെല്ലാം ചെയ്തിരുന്നതും. പ്രോഗ്രാം വിഭാഗം നിര്‍ത്തലാക്കുന്നു എന്ന കാരണം കാണിച്ച് വ്യക്തമായ ഒരു മാനദണ്ഡവും അടിസ്ഥാനമാക്കാതെ മേല്‍പ്പറഞ്ഞ വിഷ്വല്‍ എഡിറ്റേഴ്‌സിനെയും ക്യാമറാമാന്‍മാരെയും പുറത്താക്കുന്നത് അന്യായവും ലേബര്‍ നിയമങ്ങള്‍ക്കെല്ലാം വിരുദ്ധവുമാണ്. വാര്‍ത്താധിഷ്ടിത പരിപാടികള്‍ തുടരുന്നിടത്തോളം അവര്‍ക്ക് തൊഴിലില്‍ തുടരാനുള്ള എല്ലാ അര്‍ഹതയും നിയമപ്രകാരം ഉണ്ട്.
തൊഴില്‍പരമായ ഒരു കാരണവും കാണിക്കാതെയും അവര്‍ക്ക് സമാധാനം ബോധിപ്പിക്കാനും വിശദീകരിക്കാനും നിയമപ്രകാരമുള്ള അവസരം നല്‍കാതെയുമുള്ള നീക്കം ശരിയല്ല. മാത്രമല്ല, ചാനല്‍ സാമ്പത്തിക പ്രതിസന്ധി നേരിടുന്നതിന് ഈ തൊഴിലാളികള്‍ ഉത്തരവാദികളല്ല. ഇക്കാര്യത്തില്‍ ഒരു പുനര്‍വിചിന്തനത്തിന് മാനേജ്‌മെന്റ് തയ്യാറാകണം. തൊഴിലാളികള്‍ ഉത്തരവാദികളല്ലാത്ത കാരണങ്ങള്‍ പറഞ്ഞ് മാനുഷിക പരിഗണന പോലും ഇല്ലാതെ അവരെ പുറത്താക്കുന്നത് ഒരു തരത്തിലും അംഗീകരിക്കാനാവില്ല. തൊഴിലാളികളെ പുനര്‍വിന്യസിക്കുന്നതുള്‍പ്പെടെയുള്ള നടപടികളാണ് സ്വീകാര്യമായിട്ടുള്ളത്. പിരിഞ്ഞു പോകാന്‍ ആവശ്യപ്പെട്ടിട്ടുള്ള പല തൊഴിലാളികള്‍ക്കും അര്‍ഹതപ്പെട്ട പ്രമോഷനും ഇന്‍ക്രിമെന്റും ഒന്നും നല്‍കിയിട്ടില്ല. മറ്റു ചാനലുകളില്‍ നിന്ന് തൊഴില്‍ സുരക്ഷ വാഗ്ദാനം ചെയ്താണ് മാനേജ്‌മെന്റ് ഇപ്പോള്‍ പുറത്താക്കപ്പെട്ട പലരേയും സ്ഥാപനത്തിലേക്ക് ആകര്‍ഷിപ്പിച്ചത്. സമൂഹം ഏറെ മാതൃകാപരമായ സമീപനം പ്രതീക്ഷിക്കുന്ന മീഡിയ വണ്‍ മാനേജ്‌മെന്റ് ഭാഗത്ത് നിന്ന് ഇരകള്‍ക്ക് അനുകൂലമായ നടപടി ഉണ്ടാകണമെന്ന് ആവശ്യപ്പെടുന്നു. അല്ലാത്തപക്ഷം അടുത്ത ദിവസങ്ങളില്‍ ശക്തമായ പ്രതിഷേധ പരിപാടികളുമായി കേരള പത്രപ്രവര്‍ത്തക യൂണിയന്‍ രംഗത്തുവരാന്‍ നിര്‍ബന്ധിതരാവും

ഡിസംബര്‍ 14 ന് ഹൈക്കോടതിയിലേക്ക് സംയുക്ത ട്രേഡ് യൂണിയന്‍ മാര്‍ച്ച്

img-20161124-wa0004
കൊച്ചി : കോടതികളിലെ മാധ്യമ വിലക്കിനെതിരെ ഡിസംബര്‍ 14 ന് ഹൈക്കോടതി മാര്‍ച്ച്. സംയുക്ത ട്രേഡ് യൂണിയന്‍ സമിതി കേരള പത്രപ്രവര്‍ത്തക യൂണിയന്‍ എറണാകുളം ടൗണ്‍ ഹാളില്‍ ചേര്‍ന്ന തൊഴില്‍ സ്വാതന്ത്ര്യ സംരക്ഷണ കണ്‍വെന്‍ഷനിലാണ് ആഹ്വാനം. കണ്‍വെന്‍ഷന്‍ പ്രൊഫ എം കെ സാനു ഉദ്ഘാടനം ചെയ്തു. ഐ എന്‍ ടി യു സി ജില്ലാ സെക്രട്ടറി ഇബ്രാഹിം കുട്ടി അധ്യക്ഷത വഹിച്ചു. സി പി ഐ സംസ്ഥാന സെക്രട്ടറി കാനം രാജേന്ദ്രന്‍, ഡോ. കെ വി തോമസ്, എം എം ലോറന്‍സ്, ഡോ. സെബാസ്റ്റ്യന്‍ പോള്‍, ഐ എന്‍ ടി യു സി, സി ഐ ടി യു, എ ഐ ടി യു സി, ബി എം എസ്, എച്ച് എം എസ്, എസ് ടി യു, മാക്ട ഫെഡറേഷന്‍, കെ യു ഡബ്ല്യു ജെ സംസ്ഥാന പ്രസിഡന്റ് , സെക്രട്ടറി, തുടങ്ങിയ ട്രേഡ് യൂണിയന്‍ നേതാക്കള്‍ സംസാരിച്ചു.

ട്രേഡ് യൂണിയനുകളുടെ സംയുക്ത കണ്‍വെന്‍ഷന്‍ ഇന്ന് എറണാകുളത്ത്

കോഴിക്കോട്‌ : കോടതികളിലെ മാധ്യമവിലക്കിനെതിരെ, തൊഴിലിടങ്ങളിലെ കയ്യേറ്റത്തിനെതിരെ, അറിയാനുള്ള അവകാശം സംരക്ഷിക്കാന്‍ തുടങ്ങി മുദ്രാവാക്യങ്ങളുയര്‍ത്തി സംയുക്ത ട്രേഡ് യൂണിയനും കേരള പത്രപ്രവര്‍ത്തക യൂണിയനും നേതൃത്വം നല്‍കുന്ന തൊഴില്‍ സ്വാതന്ത്ര സംരക്ഷണ കണ്‍വെന്‍ഷന്‍ ഇന്ന് വൈകിട്ട് 3 ന് എറണാകുളത്ത്. ദേശീയ സംസ്ഥാന നേതാക്കള്‍ പങ്കെടുക്കുന്നു.

ഹൈകോടതി സര്‍ക്കുലര്‍ ഗുണകരമല്ല – കേരള പത്രപ്രവര്‍ത്തക യൂണിയന്‍

kuwj-emblelm-copyതൃശൂര്‍: ഹൈകോടതി പുറത്തിറക്കിയ സര്‍ക്കുലര്‍ സുഗമമായ മാധ്യമ പ്രവര്‍ത്തനത്തിന് ഗുണകരമാകില്‌ളെന്ന് കേരള പത്രപ്രവര്‍ത്തക യൂനിയന്‍ (കെ.യു.ഡബ്ല്യൂ.ജെ) സംസ്ഥാന പ്രസിഡന്റ് പി.എ. അബ്ദുല്‍ ഗഫൂര്‍ വാര്‍ത്താസമ്മേളനത്തില്‍ അഭിപ്രായപ്പെട്ടു. മാധ്യമപ്രവര്‍ത്തകരും അഭിഭാഷകരുമായി നിലനില്‍ക്കുന്ന പ്രശ്‌നങ്ങള്‍ കൂടുതല്‍ വഷളാക്കാനേ ഇത് സഹായിക്കൂ. ഇത്തരം നിയമങ്ങള്‍ വെച്ച് ഹൈകോടതി റിപ്പോര്‍ട്ടിങ് നടത്താന്‍ മാധ്യമപ്രവര്‍ത്തകര്‍ക്ക് സാധിക്കില്ല. സുഗമമായ മാധ്യമപ്രവര്‍ത്തനത്തിന് ആവശ്യമായ നിയമമാകണം ഹൈകോടതി നടപ്പാക്കേണ്ടത്. ഇത്തരം നിയന്ത്രണങ്ങളിലൂടെയുള്ള വിലക്കുകള്‍ക്ക് കേരള സമൂഹമാണ് മറുപടി പറയേണ്ടതെന്നും അദ്ദേഹം കൂട്ടിച്ചേര്‍ത്തു.

അഭിഭാഷകരുടെ ആവശ്യങ്ങള്‍ മാത്രം അംഗീകരിച്ചാണ് ഹൈകോടതി സര്‍ക്കുലര്‍. തങ്ങള്‍ക്കിഷ്ടമില്ലാത്ത അഞ്ച് മാധ്യമപ്രവര്‍ത്തകരെ ഹൈകോടതി റിപ്പോര്‍ട്ടിങ്ങില്‍നിന്ന് മാറ്റണമെന്ന ആവശ്യമാണ് മുമ്പ് അഭിഭാഷകര്‍ മുന്നോട്ടുവെച്ചത്. എന്നാല്‍, ഇത് അംഗീകരിക്കപ്പെട്ടില്ല. ജഡ്ജിമാരുടെ വിവേചനാധികാരം ഉപയോഗിച്ചാണ് അക്രഡിറ്റേഷന്‍ നല്‍കുകയെന്ന് പറയുന്നു. അപ്രിയമുള്ളവരെ ഒഴിവാക്കാനുള്ള ശ്രമമായി മാത്രമേ സര്‍ക്കുലറിനെ കാണാന്‍ സാധിക്കൂ. ചീഫ് ജസ്റ്റിസ്, മുഖ്യമന്ത്രി എന്നിവരെല്ലാം ആവശ്യപ്പെട്ടിട്ടും നിഷേധാത്മക നിലപാടാണ് ഈ വിഷയത്തില്‍ അഭിഭാഷകര്‍ കൈക്കൊണ്ടത്.

കൂടിയാലോചനകളിലൂടെ മാധ്യമ പ്രവര്‍ത്തനം സുഗമമാക്കാനുള്ള നടപടികള്‍ ഹൈകോടതിയുടെ ഭാഗത്തുനിന്ന് ഉണ്ടാകണം. മാധ്യമത്തൊഴിലാളികളുടെ തൊഴില്‍ സ്വാതന്ത്ര്യം സംരക്ഷിക്കണമെന്നാവശ്യപ്പെട്ട് ട്രേഡ് യൂനിയനുകള്‍ രംഗത്തത്തെിയിട്ടുണ്ട്. അതിന്റെ ഭാഗമായി 24ന് എറണാകുളത്ത് ബഹുജന കണ്‍വെന്‍ഷന്‍ നടക്കുമെന്നും അബ്ദുല്‍ ഗഫൂര്‍ പറഞ്ഞു. സംസ്ഥാന സമിതി അംഗങ്ങളായ ജോയ് എം. മണ്ണൂര്‍, എം.വി. ഫിറോസ്, ജില്ല വൈസ് പ്രസിഡന്റ് എം.വി. വിനീത എന്നിവരും സന്നിഹിതരായിരുന്നു.

ട്രേഡ് യൂണിയനുകളുടെ സംയുക്ത പ്രസ്താവന : മാധ്യമ പ്രവര്‍ത്തകരുടെ തൊഴില്‍ അവകാശം സംരക്ഷിക്കണം

തിരുവനന്തപുരം: നവംബര്‍11: സംസ്ഥാനത്തെ മാധ്യമ പ്രവര്‍ത്തകരുടെ തൊഴില്‍ ചെയ്യാനുള്ള അവകാശം സംരക്ഷിക്കാന്‍, തൊഴിലെടുക്കുന്നവര്‍ ഒറ്റക്കെട്ടായി മുന്നോട്ട് വരണമെന്ന്, ട്രേഡ് യൂണിയനുകളുടെ സംയുക്ത സമിതി ആവശ്യപ്പെട്ടു. മാധ്യമ പ്രവര്‍ത്തകര്‍ക്ക് കോടതികളില്‍ വിലക്ക് ഏര്‍പ്പെടുത്തുന്നത് അന്യായവും അപരിഷ്‌കൃതവുമായ നടപടിയാണ്. മാധ്യമ പ്രവര്‍ത്തകര്‍ക്ക് കോടതികളില്‍ നിന്നുള്ള വാര്‍ത്തകള്‍ ശേഖരിക്കാനും റിപ്പോര്‍ട്ട് ചെയ്യാനുമുള്ള അവകാശം സംരക്ഷിക്കുമെന്ന് ചീഫ് ജസ്റ്റിസും, കേരള മുഖ്യമന്ത്രിയും സംശയരഹിതമായി വ്യക്തമാക്കിയിട്ടും അഭിഭാഷകരില്‍ ഒരു വിഭാഗം കോടതികളില്‍ മാധ്യമപ്രവര്‍ത്തകരെ തടയുന്നത് അപലപനീയമാണ്.
സ്വതന്ത്രമായ മാധ്യമപ്രവര്‍ത്തനം ഒരാളുടെയും ഔദാര്യമല്ല. എല്ലാവര്‍ക്കും നിയമപരിരക്ഷയും നീതിയും ഉറപ്പാക്കുന്ന കോടതികള്‍ കയ്യൂക്കിന്റെയും ധാര്‍ഷ്ട്യത്തിന്റെയും വേദിയാക്കുന്ന അഭിഭാഷകരുടെ നിലപാട് പരിഷ്‌കൃത സമൂഹത്തിന് അപമാനമാണ്. ഇന്ത്യയില്‍ മറ്റൊരു സംസ്ഥാനത്തും ഇത്തരം സംഭവങ്ങള്‍ ഉണ്ടാകുന്നില്ല. ന്യായാധിപരും സര്‍ക്കാരും അവരുടെ നിലപാട് വ്യക്തമാക്കിയിട്ടും എങ്ങിനെയാണ് ഒരു പറ്റം അഭിഭാഷകര്‍ക്ക് അവരുടെ കാട്ടുനീതി തുടരാന്‍ കഴിയുന്നത്.
എല്ലാ വിഭാഗം തൊഴിലാളികളും അവരുടെ തൊഴില്‍ ചെയ്യാനുള്ള അവകാശം സംരക്ഷിക്കാന്‍ പോരാടിയിട്ടുള്ളവരാണ്. മാധ്യമപ്രവര്‍ത്തകരും അവരുടെ തൊഴിലാണ് ചെയ്യുന്നത്. സംസ്ഥാനത്തെ കോടതികളില്‍ മാധ്യമ പ്രവര്‍ത്തകര്‍ പ്രവേശിക്കരുത് എന്ന് പറയാന്‍ അഭിഭാഷകര്‍ക്കെന്താണവകാശം? കോടതി ആരുടെയെങ്കിലും സ്വകാര്യ സ്വത്താണോ?
നിയമജ്ഞര്‍ തന്നെ നിയമം ലംഘിക്കുന്ന അപൂര്‍വ കാഴ്ചയാണ് കുറെ ദിവസങ്ങളായി നാം കണ്ടു കൊണ്ടിരിക്കുന്നത്. ഈ അവസ്ഥ ഇനിയും കയ്യും കെട്ടി നോക്കി നില്‍ക്കാന്‍ തൊഴിലാളി സംഘടനകള്‍ക്കാവില്ല. മാധ്യമ പ്രവര്‍ത്തകര്‍ക്ക് നീതി ലഭിക്കാന്‍ സംസ്ഥാനത്തെ മുഴുവന്‍ ട്രേഡ് യൂണിയനുകളും ഒറ്റക്കെട്ടായി ശബ്ദമുയര്‍ത്താന്‍ തീരുമാനിച്ചിരിക്കുന്നു. സ്വതന്ത്രമായും, നിര്‍ഭയമായും ജോലി ചെയ്യാന്‍ മാധ്യമ പ്രവര്‍ത്തകര്‍ക്കുള്ള അവകാശം സംരക്ഷിക്കാന്‍ ഒറ്റക്കെട്ടായി രംഗത്തിറങ്ങാന്‍ സംസ്ഥാനത്തെ മുഴുവന്‍ തൊഴിലാളികളോടും ഞങ്ങള്‍ അഭ്യര്‍ത്ഥിക്കുന്നു. ഈ മുദ്രാവാക്യം ഉയര്‍ത്തിക്കൊണ്ട് പ്രത്യക്ഷമായ പ്രക്ഷോഭപരിപാടികളുമായി ട്രേഡ് യൂണിയനുകള്‍ രംഗത്തിറങ്ങാനും തീരുമാനിച്ചിരിക്കുന്നു.
മാധ്യമ പ്രവര്‍ത്തകര്‍ക്ക് ട്രേഡ് യൂണിയനുകള്‍ ഐക്യദാര്‍ഢ്യം പ്രഖ്യാപിക്കുന്നു. ഈ പ്രക്ഷോഭത്തില്‍ മാധ്യമ പ്രവര്‍ത്തകര്‍ ഒറ്റക്കല്ലെന്ന് എല്ലാവരെയും ഞങ്ങള്‍ ഓര്‍മിപ്പിക്കുന്നു.

1. എളമരം കരീം                                     2. കെ പി രാജേന്ദ്രന്‍                                             3. ആര്‍. ചന്ദ്രശേഖരന്‍
ജനറല്‍ സെക്രട്ടറി                                     ജനറല്‍ സെക്രട്ടറി                                                   പ്രസിഡന്റ്
സിഐടിയുസംസ്ഥാനകമ്മിറ്റി                  എഐടിയുസി സംസ്ഥാനകമ്മിറ്റി                          ഐഎന്‍ടിയുസി സംസ്ഥാന കമ്മിറ്റി

4. അഹമ്മദ്കുട്ടി ഉണ്ണികുളം                     5. എം.കെ. കണ്ണന്‍                                                6. തോമസ് ജോസഫ് .
പ്രസിഡന്റ്                                              ജനറല്‍ സെക്രട്ടറി                                                   ജനറല്‍ സെക്രട്ടറി
എസ്ടിയു സംസ്ഥാന കമ്മിറ്റി                   എച്ച്.എം.എസ് സംസ്ഥാന കമ്മിറ്റി                          യുടുയുസി സംസ്ഥാന കമ്മിറ്റി