കുടുംബോത്സവം 2017 – കലാമത്സരങ്ങള്‍ 22ന്

Bckground

പ്രസ്സ് ക്ലബ്ബ് കുടുംബോത്സവത്തോടനുബന്ധിച്ചുള്ള കലാമത്സരങ്ങള്‍ ജനുവരി 22ന് ഞായറാഴ്ച പ്രസ് ക്ലബ് ഹാളില്‍ നടക്കും. ഒപ്പം ഇന്‍ഡോര്‍ സ്‌പോര്‍ട്‌സ് ഇനങ്ങളും (കാരംസ്, ചെസ്, കാര്‍ഡ്‌സ്) നടക്കും. രാവിലെ 8.00ന് മത്സരങ്ങള്‍ ആരംഭിക്കും. എല്ലായിനത്തിലും മിനിമം മൂന്ന് മത്സരാര്‍ത്ഥികളുണ്ടെങ്കിലേ മത്സരം നടത്തൂ.

ആവേശമായി പ്രസ് ക്ലബ് സ്‌പോര്‍ട്‌സ്

sp2

കാലിക്കറ്റ് പ്രസ് ക്ലബ് കുടുംബസംഗമം സ്‌പോര്‍ട്‌സ് മല്‍സരങ്ങള്‍ ദേവഗിരി കോളജ് മൈതാനത്ത് ദേവഗിരി സി.എം.ഐ പബ്ലിക് സ്‌ക്കൂള്‍ പ്രിന്‍സിപ്പാള്‍ ഫാദര്‍ ജോണി കാഞ്ഞിരത്തിങ്കല്‍ ഉദ്ഘാടനം ചെയ്യുന്നു. കമാല്‍ വരദൂര്‍, എന്‍.രാജേഷ്, മധുസൂദനന്‍ കര്‍ത്ത തുടങ്ങിയവര്‍ സമീപം

കോഴിക്കോട്: കാലിക്കറ്റ് പ്രസ് ക്ലബ് കുടുംബോല്‍സവത്തോടനുബന്ധിച്ച് ദേവഗിരി കോളജ് മൈതാനത്ത് നടന്ന മാധ്യമ പ്രവര്‍ത്തകരുടെയും കുടുംബാംഗങ്ങളുടെയും കായികമേള ആവേശകരമായി. ഫുട്‌ബോള്‍, ക്രിക്കറ്റ്, അത്‌ലറ്റിക്‌സ്, കമ്പവലി തുടങ്ങി നിരവധി മല്‍സരങ്ങളിലായി നൂറ് കണക്കിന് പേര്‍ പങ്കെടുത്തു. ദേവഗിരി സി.എം.ഐ പബ്ലിക് സ്‌ക്കൂള്‍ പ്രിന്‍സിപ്പാള്‍ ഫാദര്‍ ജോണി കാഞ്ഞിരത്തിങ്കല്‍ മല്‍സരങ്ങള്‍ ഉദ്ഘാടനം ചെയ്തു. പ്രസ് ക്ലബ് പ്രസിഡണ്ട് കമാല്‍ വരദൂര്‍ അധ്യക്ഷനായിരുന്നു. സെക്രട്ടറി എന്‍.രാജേഷ്, കുടുംബോല്‍സവം ജനറല്‍ കണ്‍വീനര്‍ ജെ.എസ് ഷനില്‍, ജോ. സെക്രട്ടറി കെ.സി റിയാസ്, വൈസ് പ്രസിഡണ്ട് റഫീക്ക് റമദാന്‍, ട്രഷറര്‍ വിപുല്‍നാഥ്, സ്‌പോര്‍ട്‌സ് കണ്‍വീനര്‍ ബിജുനാഥ്, മധുസുദനന്‍ കര്‍ത്ത, രമേഷ് കുമാര്‍, ഷിദാ ജഗത്, ജയത്തിലകന്‍, പുജാ, പി.ഫിറോസ് എന്നിവര്‍ സംസാരിച്ചു. വാശിയേറിയ ക്രിക്കറ്റ് മല്‍സരത്തില്‍ ചന്ദ്രികയും ഫുട്‌ബോളില്‍ മിഡിയാ ബ്ലാസ്‌റ്റേഴ്‌സ് ടീമും ചാമ്പ്യന്മാരായി. കുടുംബോല്‍സവം ജനുവരി 26ന് അത്തോളി അണ്ടിക്കോടിലെ മിയാമി കണ്‍വെന്‍ഷന്‍ സെന്ററില്‍ നടക്കും.

 

സ്‌പോര്‍ട്‌സ് ഡേ…ഫോട്ടോസ്
ABI_1996ABI_1952 ABI_1943 ABI_1937 ABI_1932ABI_1881 ABI_1912ABI_1929 ABI_1927   ab 7

സ്‌പോര്‍ട്‌സ് ഡേ ദേവഗിരി മൈതാനത്ത്

8x3 Banner copyകായിക മത്സരങ്ങള്‍ക്ക് തുടക്കമായതോടെ പ്രസ് ക്ലബ് കുടുംബോത്സവം ആവേശത്തിലേക്ക്. ‘സ്‌പോര്‍ട്‌സ് ഡേ’ ജനുവരി 15ന് (ഞായറാഴ്ച) ദേവഗിരി കോളേജ് മൈതാനത്ത് നടക്കും. നേരത്തെ ജെ.ഡി.ടി. സ്‌കൂള്‍ മൈതാനമായിരുന്നു വേദിയായി നിശ്ചയിച്ചിരുന്നത്. കൂടുതല്‍ സൗകര്യം കണക്കിലെടുത്താണ് വേദിമാറ്റം.
15ന് രാവിലെ 8 മണി മുതല്‍ ദേവഗിരി കോളേജ് മൈതാനത്ത് മത്സരങ്ങള്‍ ആരംഭിക്കും. ഫുട്‌ബോള്‍, ക്രിക്കറ്റ് ഫൈനല്‍ മത്സരങ്ങളാണ് ആദ്യം നടക്കുക.
തുടര്‍ന്ന് മറ്റിനങ്ങള്‍.

‘മാന്‍ഹോള്‍’ അണിയറ പ്രവര്‍ത്തകരെ ആദരിച്ചു

press club - vidhu vincent (1)

കോഴിക്കോട് : കേരളത്തിന്റെ രാജ്യാന്തര ചലച്ചിത്ര മേളയില്‍ (2016) മികച്ച നവാഗത സംവിധായകക്കുളള രജതചകോര പുരസ്്ക്കാരം നേടിയ മാധ്യമ പ്രവര്‍ത്തക കൂടിയായ വിധുവിന്‍സെന്റ്റിനെ ആദരിച്ചു.
കാലിക്കറ്റ് പ്രസ്സ്‌ക്ലബ് ഫിലിം സൊസൈറ്റിയുടെ നേതൃത്വത്തില്‍ നടന്ന ചടങ്ങില്‍ മാന്‍ഹോള്‍ ചലച്ചിത്രത്തിന്റെ അണിയറപ്രവര്‍ത്തകരെ ആദരിച്ചു. തുടര്‍ന്ന് നടന്ന സംവാദത്തില്‍ നിരവധി പേര്‍ സംബന്ധിച്ചു. പ്രവര്‍ത്തകര്‍ അനുഭവങ്ങള്‍ പങ്ക് വെച്ചു.
ദൃശ്യ മാധ്യമപ്രവര്‍ത്തകകൂടിയായ വിധുവിന്റെ ആദ്യ ഫീച്ചര്‍ഫിലിമാണ് ‘മാന്‍ഹോള്‍’.
ഐ.എഫ്.എഫ്.കെ യില്‍ മികച്ച മലയാള ചലച്ചിത്രത്തിനുളള ഫിപ്രസ്്കി പുരസ്‌ക്കാരവും മികച്ച നവാഗത സംവിധായികക്കുളള മധു കൈതപ്രം പുരസ്്ക്കാരവും ഈ ചിത്രത്തിന് ലഭിച്ചിട്ടുണ്ട്. ആദ്യമായാണ് ഒരു മലയാളി വനിതാ സംവിധായികയുടെ ഫീച്ചര്‍ ഫിലിം ഐ.എഫ്.എഫ്്.കെ യുടെ മത്സര വിഭാഗത്തില്‍ പ്രദര്‍ശിപ്പിച്ചത്.
ചടങ്ങില്‍ പ്രസ് ക്ലബ് പ്രസിഡണ്ട് കമാല്‍ വരദൂര്‍ അധ്യക്ഷനായിരുന്നു. സെക്രട്ടറി എന്‍. രാജേഷ് സ്വാഗതവും പ്രസ് ക്ലബ് ഫിലിം സൊസൈറ്റി കണ്‍വീനര്‍ എ.വി. ഫര്‍ദിസ് നന്ദിയും പറഞ്ഞു.

കുടുംബോത്സവം 2017 – കായികോത്സവം ജെ.ഡി.ടിയില്‍…..

sports-logo

കാലിക്കറ്റ് പ്രസ്‌ക്ലബ്ബിന്റെ ‘കുടുംബോത്സവം 2017’ കുടുംബസംഗമത്തോടനുബന്ധിച്ച് സംഘടിപ്പിക്കുന്ന സ്‌പോര്‍ട്‌സ് മത്സരങ്ങള്‍ ജനുവരി 12 വ്യാഴാഴ്ച വെള്ളിമാടുകുന്ന് ജെ.ഡി.ടി സ്‌കൂള്‍ ഗ്രൗണ്ടില്‍ ആരംഭിക്കും. ജനുവരി 12ന് ഫുട്ബാള്‍, ക്രിക്കറ്റ് പ്രാഥമിക റൗണ്ട് മത്സരങ്ങളും, സ്‌പോര്‍ട്‌സ് ഡേ ആയ ജനുവരി 15ന് പ്രധാന മത്സരങ്ങളും അരങ്ങേറും. ഫുട്ബാള്‍, ക്രിക്കറ്റ് മത്സരങ്ങളില്‍ പങ്കെടുക്കുന്ന ടീമുകള്‍ ജനുവരി 12ന് രാവിലെ 7ന് ഗ്രണ്ടില്‍ എത്തണം. ഇനിയും പേരു നല്‍കാത്തവര്‍ നാളെ (ജനുവരി 11ന് ബുധനാഴ്ച) വൈകിട്ട് 5ന് മുമ്പായി പ്രസ്‌ക്ലബ്ബില്‍ പേരു നല്‍കേണ്ടതാണ്. മാധ്യമപ്രവര്‍ത്തകരല്ലാത്തവരെ മത്സരങ്ങളില്‍ പങ്കെടുപ്പിക്കില്ല. കായികമത്സരങ്ങളുടെ ഭാഗമാവുന്നവര്‍ സ്ഥാപനങ്ങളുടെ തിരിച്ചറിയല്‍ കാര്‍ഡ് കരുതണം.

ഇനി കുടുംബോത്സവ രാവുകളിലേക്ക്…….!!!

family-meet-2

കാലിക്കറ്റ് പ്രസ്സ് ക്ലബ്ബ് കുടുംബസംഗമം 2017  ജനുവരി 26 ന്….
കോരപ്പുഴയുടെ തീരത്തുള്ള മിയാമി കണ്‍വെന്‍ഷന്‍ സെന്ററാണ് കുടുംബസംഗമ വേദി…

 

 

updating………………..

happy-new-year-2017

‘എല്ലാവര്‍ക്കും പുതുവത്സരാശംസകള്‍’

happy-new-year-2017

അഴിമതിക്കെതിരെ മാധ്യമപ്രവര്‍ത്തകര്‍ ജാഗ്രത പുലര്‍ത്തണം – ജേക്കബ് തോമസ്

കോഴിക്കോട്: അഴിമതിക്കെതിരെ മാധ്യമ പ്രവര്‍ത്തകര്‍ ജാഗ്രത പുലര്‍ത്തണമെന്നും സമഹത്തില്‍ കാവര്‍നായയുടെ സ്ഥാനം വഹിക്കണമെന്നും വിജിലന്‍സ് ഡയറക്ടര്‍ ജേക്കബ് തോമസ് പറഞ്ഞു. ഒരുവര്‍ഷം മുമ്പ് വിനോദയാത്രക്കിടെ അരീപ്പാറ വെള്ളച്ചാട്ടത്തിന് സമീപം പതങ്കയത്ത് മുങ്ങിമരിച്ച ദീപിക റിപ്പോര്‍ട്ടര്‍ പി.ജിബിന്റെ അനുസ്മരണചടങ്ങില്‍ ‘എഴുത്ത്, വായന, സമൂഹം’ എന്ന വിഷയത്തില്‍ സംസാരിക്കുകയായിരുന്നു അദ്ദേഹം. പ്രസ് ക്ലബ്ബ് പ്രസിഡണ്ട് കമാല്‍ വരദൂര്‍ അധ്യക്ഷത വിഹിച്ചു. സെക്രട്ടറി എന്‍. രാജേഷ്, ഫാ. ജോസ് വയലട, സജീവന്‍ കല്ലേരി, എസ്. ശ്രീശാന്ത്, പി.വി. ജീജോ, രമേശ് കോട്ടൂളി തുടങ്ങിയവര്‍ പ്രസംഗിച്ചു. മുഖ്യാതിഥി ജേക്കബ് തോമസിനുള്ള ഉപഹാരം ജിബിന്റെ അച്ഛന്‍ പി. ബാബു സമര്‍പ്പിച്ചു. സുനില്‍ ബേബി തയ്യാറാക്കിയ ‘ജിബിന്‍ ഒരു ഓര്‍മ’ ഡോക്യുമെന്ററിയുടെ പ്രദര്‍ശനവും നടന്നു.

‘വിമര്‍ശകര്‍,വീദൂഷകര്‍,വിപ്ലവകാരികള്‍’ പ്രകാശനം ചെയ്തു

3-pressclub-1

എന്‍.പി രാജേന്ദ്രന്‍ രചിച്ച ‘വിമര്‍ശകര്‍,വീദൂഷകര്‍,വിപ്ലവകാരികള്‍’ എന്ന പുസ്തകത്തിന്റെ പ്രകാശനം മലയോള മനോരമ എഡിറ്റേറിയല്‍ ഡയറക്ടര്‍ തോമസ് ജേക്കബ് നിര്‍വഹിക്കുന്നു.

കോഴിക്കോട്: എന്‍.പി രാജേന്ദ്രന്‍ രചിച്ച ‘വിമര്‍ശകര്‍,വീദൂഷകര്‍,വിപ്ലവകാരികള്‍’ എന്ന പുസ്തകം പുറത്തിറങ്ങി. പ്രസ്‌ക്ലബ് ഹാളില്‍ മലയാള മനോരമ എഡിറ്റേറിയല്‍ ഡയറക്ടര്‍ തോമസ് ജേക്കബ് പ്രകാശനം ചെയ്തു. പത്രങ്ങളില്‍ കോളങ്ങള്‍ എഴുതുന്നത് കോളമിസ്റ്റാണെന്ന് അംഗീകരിക്കാത്ത സമൂഹം ഇന്ന് വളര്‍ന്നുവരുന്നുണ്ടെന്നും, മലയാള പത്രങ്ങളില്‍ കോളങ്ങള്‍ എത്രകാലമുണ്ടാകുമെന്നും പറയാനാവില്ലെന്നും അദ്ദേഹം പറഞ്ഞു.
ചടങ്ങില്‍ കാലികറ്റ് പ്രസ്‌ക്ലബ് പ്രസ്ഡന്‍ഡ് കമാല്‍ വരദൂര്‍ അധ്യക്ഷനായി. മാതൃഭൂമി എഡിറ്റര്‍ എം കേശവ മേനോന്‍ പുസ്തകം ഏറ്റുവാങ്ങി.എഴുത്തുകാരന്‍ കല്‍പ്പറ്റ നാരായണന്‍ സംസാരിച്ചു. ഡോ. കെ ശ്രീകുമാര്‍ പുസ്തകം പരിചയപ്പെടുത്തി. പ്രസ്‌ക്ലബ് സെക്രട്ടറി എന്‍ രാജേഷ് സ്വാഗതവും എന്‍ പി രാജേന്ദ്രന്‍ നന്ദിയും പറഞ്ഞു. പ്രസ്‌ക്ലബ് ആഭിമുഖ്യത്തിലാണ് പുസ്തക പ്രകാശനം സംഘടിപ്പിച്ചത്.ഡി സി ബുക്‌സാണ് പ്രസാധകര്‍.

‘വിമര്‍ശകര്‍, വിദൂഷകര്‍, വിപ്ലവകാരികള്‍’ പുസ്തകപ്രകാശനം

npr-02

മാതൃഭൂമി മുന്‍ ഡെപ്യൂട്ടി എഡിറ്റര്‍ എന്‍.പി. രാജേന്ദ്രന്‍ രചിച്ച ‘വിമര്‍ശകര്‍, വിദൂഷകര്‍,
വിപ്ലവകാരികള്‍’ എന്ന പുസ്തകം ഡി.സി. ബുക്‌സ് പ്രസിദ്ധീകരിച്ചിരിക്കുകയാണ്.
മലയാള പത്രപംക്തിയുടെ ചരിത്രമാണ് ഈ കൃതിയില്‍ അനാവരണം ചെയ്യുന്നത്. കേസരി വേങ്ങയില്‍ കുഞ്ഞിരാമന്‍ നായനാര്‍ മുതല്‍ അടുത്തകാലം മലയാള പ്രസിദ്ധീകരണങ്ങളില്‍ പംക്തിലേഖനങ്ങള്‍ എഴുതിയ അമ്പതിലേറെ മണ്‍മറഞ്ഞ എഴുത്തുകാരെ വരെ പരിചയപ്പെടുത്തുന്ന കൃതിയില്‍ അവരുടെയെല്ലാം പ്രതിഭ വെളിവാക്കുന്ന ലേഖനങ്ങള്‍ സമാഹരിച്ചിട്ടുണ്ട്.
മാധ്യമ മേഖലയ്ക്ക് മുതല്‍ക്കൂട്ടാവുമെന്ന് ഉറപ്പുള്ള ഈ കൃതിയുടെ പ്രകാശനം കോഴിക്കോട് പ്രസ് ക്ലബ്ബിന്റെ ആഭിമുഖ്യത്തില്‍ നടത്തുകയാണ്. ഡിസംബര്‍ 18ന് ഞായറാഴ്ച വൈകിട്ട് 5ന് പ്രസ് ക്ലബ്ബ് ഹാളിലാണ് ചടങ്ങ്. മലയാള മനോരമ എഡിറ്റോറിയല്‍ ഡയറക്ടര്‍ ശ്രീ. തോമസ് ജേക്കബ് ആണ് പ്രകാശനകര്‍മ്മം നിര്‍വഹിക്കും.